Uşaqlar üçün P4C – Fikirlərlə Oyun, Sözlərlə Səyahət
Marsol Academy-də uşaqlar üçün təşkil olunan P4C (Philosophy for Children) workshopları balacaların tənqidi və yaradıcı düşünmə bacarıqlarını inkişaf etdirmək məqsədi daşıyır. Bu sessiyalar zamanı uşaqlar müxtəlif mövzularda suallar verərək, öz həyat təcrübələrindən çıxış edərək açıq fikirli müzakirələrə qatılırlar.
Workshoplarda cizgi filmləri, səssiz videolar, hekayələr və situasiyalar əsasında belə suallar meydana çıxır:
– “Dostluq nədir?”
– “Yalan demək bəzən doğrudurmu?”
– “Ədalət hər kəs üçün eyni olmalıdırmı?”
– “Səssizlik nə deməkdir?”
Uşaqlar bu sualları müzakirə edərkən öz fikirlərini sərbəst və əsaslandırılmış şəkildə ifadə etməyi, başqasını diqqətlə dinləməyi və ortaq düşüncəyə gəlməyi öyrənirlər. Burada heç bir fikir “doğru” və ya “yanlış” sayılmır – əsas olan fikirlərin dəyərini anlamaq və bir-birindən öyrənməkdir.
Marsol Academy-nin təcrübəli fasilitatorları bu müzakirələrə yön verir, uşaqları düşündürür və onların emosional zəkasını, sosial bacarıqlarını və düşünmə mədəniyyətini gücləndirir.
Böyüklər üçün P4C – Düşüncəni Bölüşmək, Fikirdə Yaxınlaşmaq
Marsol Academy-də böyüklər üçün keçirilən P4C (Philosophy for Communities) workshopları fərqli yaş, peşə və təcrübəyə malik insanların bir araya gələrək həyat haqqında dərindən düşünməsinə imkan yaradır.
Bu sessiyalar iştirakçılara gündəlik həyatın fəlsəfi qatlarını kəşf etdirməklə yanaşı, öz fikirlərini cəsarətlə paylaşmaq və başqasının düşüncəsinə hörmətlə yanaşmaq vərdişi qazandırır.
Workshoplarda müzakirə olunan bəzi suallar belədir:
– “Seçimlərimizi bizmi edirik, yoxsa həyat bizim yerimizəmi seçir?”
– “Ədalət və bərabərlik eyni şeydirmi?”
Sessiyalarda iştirakçılar açıq suallar ətrafında sərbəst fikir bildirir, bir-birini dinləyərək fərqli baxışlarla tanış olur və birlikdə düşünmə mədəniyyəti formalaşdırırlar.
P4C böyüklər üçün yalnız bir müzakirə deyil – ruhun nəfəs aldığı, fikirlərin toqquşmadan yaxınlaşdığı, anlayışın və empatiyanın gücləndiyi bir təcrübədir.
Marsol Academy bu sessiyalarla cəmiyyətin müxtəlif təbəqələrindən olan insanlara bir araya gəlib ortaq düşüncə məkanı yaratmaq fürsəti təqdim edir.